احدث المقالات
Home > الحدث > سيدي يَحْيَ أنا اليُومْ جيتَكْ زايَرْ..! بقلم المبدع المتميز ذ. محمد مهداوي

سيدي يَحْيَ أنا اليُومْ جيتَكْ زايَرْ..! بقلم المبدع المتميز ذ. محمد مهداوي

بقلم المبدع المتميز ذ. محمد مهداوي

سيدي يَحْيَ أنا اليُومْ جيتَكْ زايَرْ

القلبْ مريضْ ؤُ لعقلْ ديما حايَرْ

فينْ الْعَشْعاشي؟ فينْ ذوكْ لَحْصايَرْ؟

فينْ الْحافْ؟ فينْ السَّلْهامْ بْلَا زْرَايَرْ؟

فينْ خِيمةْ الْوَعْدَة؟ فينْ التْويزَا؟

فينْ بَرَّادْ اللَمَّة؟ فينْ ذُوكْ لَقْصَايَرْ؟

فينْ لَبْلوزَة؟ فينْ الْحَطَّة الْبَلْدِيَّهْ؟

فينْ بَرْكُوكَشْ؟ فينْ ذُوكْ لَمْصَايَرْ؟

فينْ حْلايْقِيَّةْالسَّاحَة؟ فينْ الشْيُوخْ؟

فينْ ايِّامْ الغُولَة؟ فينْ فَرْحَة النَّايَرْ؟

كُلْشِي راحْ كُلْشي اغْبَرْ مْعَ الزْمانْ

كُلشي تْبَدَّلْ كُلْشي مْشامْعَ الدْوايَرْ

كُلْشي مْشا مْعَ الشِّيحْ وَالرِّيحْ

الْوَعْدَة عَگرَاتْ وَالگلَّالْ وَلَّا بَايَرْ

سيدي يَحْيَ أَنا جيتَكْ الْيُومْ زَايَرْ

الْقَلْبْ مْريضْ ؤُ لَعْقَلْ ديمَا حَايَرْ

يا سْيَادي مَالْ وَادْ إِيسْلِي مَذْبَالْ!!

بَاللهْ عْليكُمْ خَبْرُوني آشْ صَايَرْ ؟

Leave a Reply

Your email address will not be published. Required fields are marked *

*

This site uses Akismet to reduce spam. Learn how your comment data is processed.