بقلم المبدع رشيد السعايدي
قلت كلام ولقيتو غير كلام
فيه معنى ونعمة وفيه سلام
سلهام الليل ليه قصة وحكاية
مغطي شلا ستاير ومراية
الطيور في السماء تغرد
والذئب في الغابة يعوك
ها نتا اصاحبي في رأسك لخبار
نوض فيق من الكًلبة ها العار
من كثرة لكلام تخدعنا
من كثرةلحلام تفزعنا
مال بنادم لاح سلهامو
ما فكر في مقامو
كيف بغى يترفع علامو
سلهام الليل سترا من الله
ما داري ليه بنادم ما واخذ بيه
سلهام الليل ليه قصة وحكاية
راعي ليه يا بنادم تلقاه عناية
لقلوب الى حنات جنات
لعقول الى تسرقات غرقات
ولفكار الى فكرات عرفات
سلهام الليل ليه قصة وحكاية
ها انت اصاحبي في رأسك لخبار
نوض وزن ميزانك ودير ليه عبار